युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं उपत्यकासहित देशभर एलपी ग्यासको चरम अभाव भइरहेका बेला उद्योग, वाणिज्य तथा आपूर्तिमन्त्री गौरीकुमारी यादवले पदबाट राजीनामा दिइन् । उनको स्थानमा दीपककुमार साह नयाँ मन्त्री बनेका छन् । मन्त्री परिवर्तनले राजनीतिक वृत्तमा तरंग ल्याए पनि आम उपभोक्ताको समस्या भने उस्तै छ—रित्तो सिलिन्डर कहिले भरिन्छ ? चुलो कहिले बल्छ ?
ग्यासको अभावका कारण नागरिकहरू बिहानैदेखि डिपो र बिक्री केन्द्र धाउन बाध्य छन् । घण्टौँ लाइन बसेर पनि ग्यास नपाउने अवस्था छ । कतिपयले सडकमै खाना पकाएर सरकारको ध्यानाकर्षण गराइरहेका छन् भने कतिपय ‘ग्यास देऊ सरकार’ भन्दै आन्दोलनमा उत्रिएका छन् ।
सरकारले ग्यास सिलिन्डरको मूल्य २ हजार ६० रुपैयाँ तोकेको छ । तर अभावको फाइदा उठाउँदै बजारमा ३ हजार रुपैयाँसम्म असुल भइरहेको गुनासो छ । खुलेआम कालोबजारी भइरहँदा पनि त्यसलाई नियन्त्रण गर्ने सरकारी संयन्त्र प्रभावकारी देखिएको छैन ।
साढे पाँच महिनादेखि ग्यास अभाव झेलिरहेका उपभोक्ताका लागि मन्त्री फेरिनु आफैंमा समाधान होइन । जनतालाई नयाँ मन्त्रीको परिचयभन्दा पनि भान्सामा पुग्ने ग्यास चाहिएको छ । सरकारको परीक्षा अब भाषण र आश्वासनमा होइन, बजारमा भरिएका सिलिन्डर देखाएर हुने भएको छ ।
ग्यास संकटको जिम्मेवारी कसको भन्ने विवाद चलिरहँदा उपभोक्ताको प्रश्न भने सरल छ—आपूर्ति व्यवस्था किन सहज हुन सकेन ? कालोबजारी किन रोकिएन ? र रित्तो सिलिन्डर कहिले भरिन्छ ?
पूर्वसचिव तथा विज्ञहरूले समेत ग्यास अभावको कारण वितरण प्रणालीको अव्यवस्था, कमजोर अनुगमन र पर्याप्त भण्डारणको अभावसँग जोडिरहेका छन् । यसको अर्थ समस्या एउटा मन्त्रीमा मात्र सीमित छैन । प्रणालीमै समस्या छ भने मन्त्री फेरिँदैमा संकट हट्ने अवस्था रहँदैन ।
राजीनामा दिएकी गौरीकुमारी यादवले मन्त्रालयका कर्मचारीको असहयोग, नेपाल आयल निगमको नेतृत्वसँगको समस्या र ग्यास उद्योगीहरूको सिन्डिकेट तोड्न नसकेको अवस्थातर्फ संकेत गरेकी छन् । यसले ग्यास संकटको पछाडि देखिनेभन्दा गहिरो व्यवस्थापकीय र संरचनागत समस्या रहेको देखाउँछ ।
अब नयाँ मन्त्री दीपककुमार साहसामु ठूलो चुनौती छ—ग्यासको अभाव अन्त्य गर्ने, कालोबजारी नियन्त्रण गर्ने र आपूर्ति प्रणालीलाई व्यवस्थित बनाउने ।
किनकि जनतालाई मन्त्री फेरिएको खबरले पेट भरिँदैन ।
चुलो बल्न ग्यास चाहिन्छ ।
त्यसैले अहिले देशभरका उपभोक्ताको एउटै प्रश्न छ—
मन्त्री गए, मन्त्री आए… तर ग्यास कहिले आउँछ ?
सम्बादाता
भारतको मध्य प्रदेशका ७४ वर्षीय श्यामलाल यादवको टाउकोमा चोट लागेपछि असामान्य रूपमा सिङजस्तो गाँठो विक ...
प्रतिक्रिया
No approved comments yet. Be the first to comment!