युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौं । १८औँ ब्रिक्स शिखर सम्मेलन शनिबार भारतको राजधानी नयाँ दिल्लीमा सुरु भएको छ। सम्मेलनमा भारतका प्रधानमन्त्री नरेन्द्र मोदी, रुसी राष्ट्रपति भ्लादिमिर पुटिन र चिनियाँ राष्ट्रपति सी जिनपिङ १० वर्षपछि भारतमा एउटै मञ्चमा देखिएका छन्।
मोदी, पुटिन र जिनपिङ यसअघि सन् २०१६ मा भारतकै गोवामा भएको ब्रिक्स सम्मेलनमा एकसाथ सहभागी भएका थिए। त्यसयता विभिन्न अन्तर्राष्ट्रिय तथा क्षेत्रीय राजनीतिक परिस्थितिका कारण तीनै नेता भारतमा एउटै ब्रिक्स मञ्चमा देखिएका थिएनन्।
यसपटकको सम्मेलनलाई विश्व अर्थतन्त्र, व्यापार, लगानी तथा बहुपक्षीय सहकार्यका विषयमा महत्वपूर्ण मानिएको छ। सम्मेलनमा ब्रिक्सका ११ सदस्य राष्ट्रका अतिरिक्त १० साझेदार देशका नेताहरू पनि सहभागी हुँदैछन्।
नयाँ दिल्लीमा भइरहेको सम्मेलनमा सदस्य तथा साझेदार राष्ट्रबीच आर्थिक सहकार्य विस्तार, विकासशील मुलुकका साझा चासो र अन्तर्राष्ट्रिय व्यवस्थाका विषयमा छलफल हुने अपेक्षा गरिएको छ। विशेषगरी भारत, चीन र रुसका शीर्ष नेताहरूको उपस्थितिलाई अन्तर्राष्ट्रिय समुदायले चासोका साथ हेरेको छ।
१० वर्षपछि मोदी, पुटिन र जिनपिङ एउटै मञ्चमा देखिनुलाई ब्रिक्सको बदलिँदो प्रभाव र सदस्य राष्ट्रबीचको उच्चस्तरीय संवादका दृष्टिले महत्वपूर्ण घटनाका रूपमा हेरिएको छ।
सम्बादाता
अध्यागमन विभागले नेपाली नागरिकको अन्तर्राष्ट्रिय आगमन तथा प्रस्थानसम्बन्धी विवरण अब नागरिक एपमार्फत ...
प्रतिक्रिया
No approved comments yet. Be the first to comment!