युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
सम्बादाता
काठमाडौं । देशका विभिन्न स्थानमा आज पनि भारीदेखि धेरै भारी वर्षाको सम्भावना रहेको छ। नेपाल मौसम विज्ञान विभागले दिउँसो र रातिको समयमा विशेषगरी केही प्रदेशमा धेरै भारी वर्षा हुन सक्ने भएकाले आवश्यक सतर्कता अपनाउन आग्रह गरेको छ।
विभागका अनुसार आज देशभर सामान्यदेखि पूर्ण बदली रहनेछ। गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी भूभागका अधिकांश स्थानमा, साथै कोसी र वाग्मती प्रदेशका हिमाली तथा पहाडी क्षेत्रमा धेरै स्थानमा मध्यम वर्षा तथा हिमपातको सम्भावना रहेको छ।
यस्तै लुम्बिनी र सुदूरपश्चिम प्रदेशका तराईका अधिकांश क्षेत्रमा तथा मधेस प्रदेशसँगै कोसी, वाग्मती र गण्डकी प्रदेशका तराईका केही स्थानमा मध्यम वर्षाको सम्भावना रहेको विभागले जनाएको छ।
मौसमविद्हरूले केही स्थानमा भारीदेखि धेरै भारी वर्षा हुन सक्ने भएकाले नदी तथा खोलानालामा पानीको बहाव बढ्न सक्ने, पहाडी क्षेत्रमा पहिरोको जोखिम रहने तथा शहरी क्षेत्रमा डुबान हुन सक्ने चेतावनी दिएका छन्।
विभागले विशेषगरी जोखिमयुक्त क्षेत्रमा बसोबास गर्ने नागरिकलाई सतर्क रहन, अनावश्यक यात्रा नगर्न तथा स्थानीय प्रशासन र सुरक्षा निकायबाट जारी सूचनाको पालना गर्न आग्रह गरेको छ।
सम्बादाता
चिसो मौसम सुरु भएसँगै तनहुँको मानुङकोटमा पर्यटकको चहलपहल बढ्न थालेको छ। पछिल्लो समय दैनिक दुईदेखि ती ...
प्रतिक्रिया
No approved comments yet. Be the first to comment!