☰

चर्चामा

# breaking
# primeminister
# harkasampang
# nepalnews
# प्रतिनिधिसभा सदस्यको निर्वाचन
# प्रतिनिधि सभा निर्वाचन
# प्रतिनिधिसभा सदस्य निर्वाचन
# प्रतिनिधि सभा निर्वाचन
# प्रतिनिधि सभा निर्वाचन
# धादिङ बस दुर्घटना
# दुघटना अपडेट

तत्कालीन गाउँपालिका अध्यक्ष ,प्रमुख प्रशासकिय अधिकृत सहित १२ जना माथी अख्तियारद्वारा मुद्दा दायर

तत्कालीन गाउँपालिका अध्यक्ष ,प्रमुख प्रशासकिय अधिकृत सहित १२ जना माथी अख्तियारद्वारा मुद्दा दायर

स्याङ्जा ।स्याङ्जा जिल्लाको अर्जुनचौपारी गाउँपालिकाका तत्कालीन अध्यक्ष दीर्घ नारायण अर्याल, प्रमुख प्रशासकीय अधिकृत पुरण गुरुङ, उपभोक्ता समितिका अध्यक्षसमेत १२ जना उपर गैरकानुनी लाभ तथा हानी पुर्‍याई  भ्रष्टाचार गरेको सम्बन्धी आरोपपत्र दायर भएको छ।

अख्तियार दुरुपयोग अनुसन्धान आयोगले मंगलबार विशेष अदालतमा मुद्दा दायर गरेकोछ।अर्जुनचौपारी गाउँपालिका वडा नं. १ को आव २०७५/०७६ र आव २०७६ मा स्थानीय बजार क्षेत्रको ढलान बाटोमा गुणस्तरहीन कार्य गरेको उनीहरूमाथि आरोप छ।

सो सम्बन्धमा अख्तियारले गरेको अनुसन्धानका क्रममा आव २०७५/७६ मा अर्जुनचौपारी गाउँपालिकाबाट कार्यान्वयन भएको गाउँपालिका सदरमुकाम व्यवस्थापन क योजनाको ‘प्रोभाइडिङ मिक्सिङ एन्ड प्युरिङ (१ः२ः४) मेसिन मिक्स कंक्रिट’ आइटमको सबै ठाउँको ढलान भत्किई २७ लाख ५ हजार ११ रुपैयाँ ७ पैसा बराबरको क्षति भएको अख्तियारको भनाई छ।


यस्तै, आव २०६६/२०६७ मा अर्जुनचौपारी गाउँपालिकाबाट कार्यान्वयन भएको तल्लो बजार नाला तथा ढलान निर्माण योजनाको पीसीसी फर आरसीसी (१ः२ः४) आइटमको सबै ठाउँको ढलान भत्किई ८ लाख ३४ हजार ३२० रुपैयाँ र ५८ पैसा बराबरको गुणस्तरहीन काम गरेको देखिन आएको थियो।


अख्तियारले गाउँपालिकाका तत्कालीन अध्यक्ष अर्याल र तत्कालीन इन्जिनियर नविन थापाविरुद्ध ३५ लाख ३९ हजार ३३१ रुपैयाँ ६५ पैसा बिगो कायम गरी भ्रष्टाचार निवारण ऐन, २०५९ को दफा ८ को उपदफा (१) को देहाय (ग) बमोजिम कसुरमा सोही ऐनको दफा ८ को उपदफा (१) बमोजिम कैद र बिगो बमोजिम जरिवाना हुन एवं बिगो समेत असुलउपर हुन मागदाबी लिएको छ।


यस्तै, कार्यपालिकाको कार्यालयका तत्कालीन प्रमुख प्रशासकीय अधिकृत पुरण गुरुङ, तत्कालीन सब इन्जिनियर सूर्यप्रसाद पौडेल, सदरमुकाम व्यवस्थापन उपभोक्ता समितिका अध्यक्ष बालकृष्ण पौडेल, सचिव कृष्ण प्रसाद काफ्ले र कोषाध्यक्ष हिम कुमारी केसीविरुद्ध २७ लाख ५ हजार ११ रुपैयाँ ७ पैसा बिगो कायम गरिएको छ।


यसैगरी कार्यपालिकाको कार्यालयका प्रमुख प्रशासकीय अधिकृत कमल प्रसाद गौतम, तत्कालीन इन्जिनियर सुदिप आचार्य र तल्लो बजार नाली तथा ढलान सडक निर्माण उपभोक्ता समितिका अध्यक्ष मङ्गल देवी थापा मगर, सचिव विष्णु कुमारी विक र कोषाध्यक्ष एक नारायण देवकोटामाथि ८ लाख ३४ हजार ३२० रुपैयाँ ५८ पैसा बिगो कायम गरी मुद्दा दायर गरिएको अख्तियारले जनाएको छ।

 

 

 

प्रतिक्रिया

No approved comments yet. Be the first to comment!

सम्बन्धित समाचार

रेड मिडियाद्वारा टोखामा पत्रकारिता तालीम सुरु
एक बर्ष अगाडि

१३ माघ ,काठमाडौ ।रेड मिडिया प्रा ली ले टोखा नगरपालिका वडा नम्बर ११ मा आजदेखी चार दिने आधारभुत पत्रका ...

Recent Posts

छुटाउनुभयो कि ?

छैटौँ ब्राइडल मेकअपमा चन्द्रकलाको जित, अञ्जली र सुजाता रनरअप

तलेजु भवानीमा ‘धग: स्वाँ छ्याउ’: रहस्यमय तान्त्रिक परम्पराको जीवित कथा

अध्यक्षमाथि आफ्नै प्रथम उपाध्यक्षको गम्भीर आरोप: वैदेशिक रोजगार संघमा तरङ्ग, अब के गर्लान् भुवन सिंह गुरुङ?

वैदेशिक रोजगार बिभागका कर्मचारी घुस लिँदै गर्दा पक्राउ

वैदेशिक रोजगारमा जाने श्रमिकले अनावश्यक बिल–रसिद पेश गर्नुपर्ने व्यवस्था हट्यो

अमेरिकासँग वार्ताको तयारी: इरानी उच्च टोली इस्लामाबादमा अवतरण

परराष्ट्रमन्त्री खनालसँग जर्मनीका राजदूतको भेट

शीतभण्डार भ्रष्टाचार काण्ड: सचिव बैकुण्ठ अधिकारीसहित अख्तियारद्वारा विशेष अदालतमा मुद्दा दायर

पाकिस्तानमा अमेरिका–इरान वार्ता निष्कर्षविहीन, २१ घण्टे संवाद पनि सहमतिविहीन
TOP