युनिकोड
मिति
रूपान्तरण 
खोज पत्रकारिता
खोज पत्रकारिता
सम्बादाता
काठमाडौँ मङ्सिर २९- प्रभु बैंकका प्रमुख कार्यकारी अधिकृत (सिइओ) अशोक शेरचनसहित चार जनाविरुद्ध दर्ता भएको बैंकिङ कसूरसम्बन्धी मुद्दाको अनुसन्धानका लागि पुनः ५ दिन म्याद थप गरिएको छ । अनुसन्धान अझै पूरा नभएको भन्दै नेपाल प्रहरी केन्द्रीय अनुसन्धान ब्युरो (सीआईबी) ले गरेको अनुरोधअनुसार अदालतले थप समय दिएको हो ।
उच्च अदालत पाटनको वाणिज्य इजलासमा माननीय मुख्य न्यायाधीश लालबहादुर कुँवर तथा माननीय न्यायाधीश गीता प्रसाद तिम्सिनाको संयुक्त इजलासले आज अनुसन्धान निरन्तरताका लागि ५ दिनको म्याद थपको अनुमति दिएको हो । यससँगै उक्त मुद्दामा सीआईबीलाई थप प्रमाण संकलन, बयान लिने तथा अनुसन्धानका अन्य प्रक्रिया अघि बढाउने अवसर प्राप्त भएको छ ।
म्याद थप हुनेमा प्रभु बैंकका सिइओ अशोक शेरचन, प्रमुख वित्तीय अधिकृत (डिसिओ) मणिराज पोखरेल, प्रमुख सूचना अधिकृत (सिसिओ) रिवाश श्रेष्ठ तथा राजेन्द्र शाक्य रहेका छन् । उनीहरूविरुद्ध बैंकिङ कसूर तथा सजाय ऐन, २०६४ अन्तर्गत कसूर भएको आशंकामा अनुसन्धान भइरहेको छ ।
स्रोतका अनुसार बैंकिङ कारोबारका क्रममा भएको भनिएको आर्थिक अनियमितता, कागजातको सत्यता, निर्णय प्रक्रियामा संलग्नताको स्तर तथा जिम्मेवारीको विषयमा सीआईबीले गहिरो अनुसन्धान गरिरहेको छ । यसअघि पनि पटक–पटक म्याद थप हुँदै आएको यस मुद्दामा अझै केही प्राविधिक तथा कानुनी पक्ष स्पष्ट गर्न बाँकी रहेको जनाइएको छ ।
उच्च अदालत पाटनका अनुसार अनुसन्धानबाट प्राप्त विवरणहरूको विश्लेषण, सम्बन्धित कागजातको परीक्षण तथा आवश्यक परे थप व्यक्तिहरूसँग बयान लिने काम बाँकी रहेकाले म्याद थप गरिएको हो । सीआईबीले अनुसन्धान निष्कर्षमा पुगेपछि आवश्यक कानुनी प्रक्रिया अगाडि बढाइने जनाएको छ ।
उक्त मुद्दाले बैंकिङ क्षेत्रको सुशासन, उत्तरदायित्व तथा नियमन प्रणालीप्रति गम्भीर प्रश्न उठाएको भन्दै सरोकारवालाहरूको ध्यान पनि यसतर्फ केन्द्रित भएको छ । अब थपिएको म्यादभित्र अनुसन्धान कुन निष्कर्षमा पुग्छ भन्ने विषय चासोको विषय बनेको छ ।
सम्बादाता
उत्तरी रसुवामा निर्माणाधीन रसुवागढी जलविद्युत् आयोजनाको विद्युत्गृहमा उपकरण जडान कार्य द्रुतरूपमा अग ...
प्रतिक्रिया