युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
संवाददाता
लमजुङ । यस वर्षको दशैं अवधिमा अन्नपूर्ण चक्रीय पदमार्गमा विदेशी पर्यटकको आगमन उल्लेख्य रूपमा बढेको छ। असोज २५ देखि कात्तिक ८ गतेसम्म ५ हजार ३८४ विदेशी पर्यटकले यस पदमार्गमा भ्रमण गरेका छन्।
अन्नपूर्ण संरक्षण क्षेत्र आयोजना (एक्याप) को धारापानीस्थित पर्यटक जाँच तथा सूचना केन्द्रका प्रमुख भूपेन्द्र गुरुङका अनुसार गत वर्षको सोही अवधिमा २ हजार ७५७ पर्यटक आएका थिए। यस वर्ष गत वर्षको तुलनामा २ हजार ६२७ पर्यटक बढी आएका हुन्।
गुरुङका अनुसार मनास्लु पदमार्गमा बाढीपहिरोका कारण आवागमन प्रभावित भएपछि त्यहाँ जाने केही पर्यटक अन्नपूर्ण पदमार्गतर्फ आएका छन्। अनुकूल मौसम र घुमफिर गर्ने प्रवृत्ति बढ्दै जानुले पनि पर्यटक आगमनमा वृद्धि भएको उनको भनाइ छ।
एक्यापको तथ्याङ्कअनुसार दशैं अवधिमा अन्नपूर्ण पदमार्गमा आएका पर्यटकमध्ये ३ हजार २८८ पुरुष, २ हजार ९४ महिला र अन्य दुई जना छन्। तीमध्ये सार्क राष्ट्रबाट ६०९ र गैरसार्क राष्ट्रबाट ४ हजार ७७५ पर्यटक आएका छन्।
देशगत रूपमा सबैभन्दा बढी भारतबाट ६०६ पर्यटक आएका छन्। त्यस्तै, जर्मनीबाट ४३८, इजरायलबाट ४१८, फ्रान्सबाट ३६४ र अमेरिकाबाट ३५२ पर्यटकले पदयात्रा गरेका छन्।
लमजुङको बेँसीसहरबाट सुरु हुने अन्नपूर्ण चक्रीय पदमार्ग मनाङ हुँदै थोराङ्ला भञ्ज्याङ पार गरेर मुस्ताङसम्म पुग्छ। हिमाली दृश्य, प्राकृतिक सौन्दर्य, परम्परागत बस्ती र स्थानीय संस्कृतिको अवलोकन गर्न पाइने भएकाले यो पदमार्ग विदेशी पर्यटकमाझ लोकप्रिय मानिन्छ।
यस वर्ष दशैं अवधिमा पर्यटक आगमन बढेसँगै अन्नपूर्ण क्षेत्रको पर्यटन गतिविधिमा उत्साह थपिएको छ।
संवाददाता
काठमाडौं । रुसमा सम्पन्न पाँचौँ ओपन वर्ल्ड एस्ट्रोनोमी ओलम्पियाडमा नेपाली विद्यार्थीले एक रजत र तीन ...
प्रतिक्रिया
No approved comments yet. Be the first to comment!