युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
संवाददाता
काठमाडौं । स्पेनमा दुई उच्च गतिको रेल एकआपसमा ठोक्किँदा कम्तीमा ६८ जनाको मृत्यु भएको छ भने ८० जना घाइते भएका छन्। बुधबार भएको दुर्घटनामा घाइतेमध्ये १५ जनाको अवस्था गम्भीर रहेको अधिकारीहरूले बताएका छन्। दुर्घटनापछि उद्धारकर्मीले बिहीबार पनि भग्नावशेषमा फसेका यात्रुको खोजी जारी राखेका छन्।
स्पेनको राजधानी म्याड्रिडबाट दक्षिणतर्फ पर्ने टोलेदो प्रान्तको उर्दा क्षेत्रनजिक म्याड्रिड-सेभिया उच्च गतिको रेलमार्गमा दुर्घटना भएको हो। दुर्घटनामा सरकारी रेल कम्पनी रेन्फे (RENFE) द्वारा सञ्चालित रेल र निजी कम्पनी इर्यो (IRYO) को रेल संलग्न थिए। रोकिएको इर्यो रेलमा रेन्फेको रेल पछाडिबाट ठोक्किएको प्रारम्भिक विवरणमा उल्लेख छ। ठक्करका कारण रेलका केही डिब्बा लिकबाट खसेर सडकछेउको भिरालो भागमा पुगेका थिए।
स्पेनका यातायातमन्त्री ओस्कार पुएन्तेका अनुसार रेलमार्गको सङ्केत प्रणालीमा समस्या आएपछि केही रेल स्वतः रोकिएका थिए। त्यसपछि रेन्फेको रेललाई अघि बढ्न अनुमति दिइएको थियो। तर अगाडि अर्को रेल रोकिएको अवस्थामा पनि रेललाई सामान्य गतिमा अघि बढ्न अनुमति कसरी दिइयो भन्ने विषय अनुसन्धानको मुख्य पक्ष बनेको छ। दुर्घटनाको वास्तविक कारण र जिम्मेवारीबारे भने अनुसन्धानबाट अन्तिम निष्कर्ष आउन बाँकी छ।
दुर्घटनास्थलमा उद्धारकर्मी, एम्बुलेन्स र अन्य आपत्कालीन टोली परिचालन गरिएको छ। भग्नावशेष हटाउन क्रेन प्रयोग गरिएको छ भने हराइरहेका यात्रुको खोजीका लागि तालिमप्राप्त कुकुरसमेत परिचालन गरिएको छ। अधिकारीहरूले भग्नावशेषमा थप पीडित हुन सक्ने सम्भावना पूर्ण रूपमा नकार्न नसकिने बताएका छन्।
दुर्घटनापछि स्पेन सरकारले अक्टोबर २९ देखि ३१ सम्म तीन दिन राष्ट्रिय शोक घोषणा गरेको छ। घटनाले देशको उच्च गतिको रेल सेवाको सुरक्षा प्रणाली र मर्मतसम्भारबारे पुनः प्रश्न उठाएको छ।
यसअघि जनवरीमा पनि स्पेनमा रेल दुर्घटना हुँदा ४६ जनाको मृत्यु भएको थियो। एउटै वर्षमा भएका दुई ठूला रेल दुर्घटनापछि रेलमार्गको सुरक्षा र सञ्चालन प्रणालीलाई थप प्रभावकारी बनाउनुपर्ने आवाज उठेको छ
संवाददाता
काठमाडौं । सरकारले भोटेकोशी बाढीबाट प्रभावित परिवारलाई मासिक आर्थिक सहायता उपलब्ध गराउने निर्णय गरेक ...
प्रतिक्रिया
No approved comments yet. Be the first to comment!