युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
संवाददाता
काठमाडौं । अमेरिकी मध्यावधि निर्वाचनमा डेमोक्रेटिक पार्टीले कङ्ग्रेसका दुवै सदनमा नियन्त्रण कायम गरेपछि राष्ट्रपति डोनाल्ड ट्रम्पले विपक्षी दलबाट आउने विधेयक रोक्न राष्ट्रपतीय भिटो अधिकार प्रयोग गर्ने संकेत गरेका छन्।
बिहीबार ह्वाइट हाउसस्थित ओभल अफिसमा आयोजित कार्यक्रममा ट्रम्पले 'भिटो' लेखिएको ठूलो रातो टोपी प्रदर्शन गरेका हुन्। ओभल अफिस र मन्त्रिपरिषद् कक्षलाई राष्ट्रिय स्मारकका रूपमा संरक्षण गर्ने घोषणापत्रमा हस्ताक्षर गर्ने क्रममा उनले उक्त टोपी देखाएका थिए। यसअघि पनि उनले सामाजिक सञ्जाल ट्रुथ सोसलमा भिटो लेखिएको टोपीसहितको तस्बिर सार्वजनिक गरेका थिए।
फक्स न्युजसँगको कुराकानीमा ट्रम्पले राष्ट्रपतीय भिटोलाई अमेरिकी राष्ट्रपतिका शक्तिशाली संवैधानिक अधिकारमध्ये एक भन्दै आफूलाई अस्वीकार्य विधेयक आए रोक्ने चेतावनी दिएका थिए। यद्यपि, आगामी दुई वर्ष सबै विधेयकमा भिटो लगाएर बिताउने आफ्नो चाहना नरहेको उनले बताएका छन्।
डेमोक्रेटहरूले दुवै सदनमा नियन्त्रण कायम गरेपछि ट्रम्प प्रशासनमाथि संसदीय निगरानी, अनुसन्धान र सुनुवाइ बढ्न सक्ने देखिएको छ। साथै, राष्ट्रपतिका न्यायिक तथा मन्त्रिपरिषद्सम्बन्धी नियुक्तिमा पनि अवरोध आउन सक्ने सम्भावना छ।
अमेरिकी संविधानअनुसार राष्ट्रपतिले कङ्ग्रेसबाट पारित विधेयकमा भिटो लगाउन सक्छन्। तर राष्ट्रपतिको भिटो निर्णय उल्ट्याउन प्रतिनिधिसभा र सिनेट दुवैमा दुईतिहाइ बहुमत आवश्यक पर्छ। यसले आगामी दिनमा ट्रम्प प्रशासन र कङ्ग्रेसबीच राजनीतिक टकराव बढ्न सक्ने संकेत गरेको छ।
संवाददाता
नेपाली कांग्रेसका सभापति गगनकुमार थापा छठ पर्व मनाउन आइतबार सर्लाही पुगेका छन्। उनी सिमरा विमानस्थल ...
प्रतिक्रिया
No approved comments yet. Be the first to comment!