युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
संवाददाता
इस्लामावाद । पाकिस्तानको पञ्जाब प्रान्तमा यात्रुवाहक बस र ट्रक एकआपसमा ठोक्किँदा कम्तीमा ११ जनाको मृत्यु भएको छ भने ३३ जना घाइते भएका छन् ।
स्थानीय सञ्चारमाध्यमका अनुसार पाकपट्टननजिकै डेपालपुर सडकखण्डमा शुक्रबार दुर्घटना भएको हो । मुल्तानबाट कसुरतर्फ जाँदै गरेको बस विपरीत दिशाबाट आइरहेको ट्रकसँग ठोक्किएको थियो ।
उद्धार संस्था रेस्क्यु ११२२ का अनुसार घाइतेमध्ये आठ जनाको अवस्था सामान्य रहेको छ भने अन्य २५ जनालाई उपचारका लागि पाकपट्टनस्थित अस्पताल लगिएको छ । दुर्घटनापछि उद्धारकर्मीले करिब तीन घण्टासम्म उद्धार अभियान चलाएका थिए । बस र ट्रकका भग्नावशेषमा फसेका यात्रुलाई निकाल्न क्रेनलगायतका उपकरण प्रयोग गरिएको थियो ।
पञ्जाबमा सडक दुर्घटनाको अवस्था भयावह
पाकिस्तानको पञ्जाब प्रान्तमा सडक दुर्घटनाको संख्या उच्च देखिएको छ । गत अक्टोबरमा मात्रै प्रान्तभर ४४ हजार ७९७ वटा सडक दुर्घटना भएका थिए । ती दुर्घटनामा ४६४ जनाको मृत्यु भएको थियो भने २३ हजार ५४३ जना गम्भीर घाइते भएका थिए ।
अभिलेखअनुसार तीमध्ये करिब तीनचौथाइ दुर्घटना मोटरसाइकलसँग सम्बन्धित थिए । सबैभन्दा बढी दुर्घटना लाहोरमा भएका थिए, जहाँ मोटरसाइकलसँग सम्बन्धित ७ हजार ८७४ घटना दर्ता भएका थिए । मुल्तान, फैसलाबाद र गुजराँवालामा पनि ठूलो संख्यामा दुर्घटना भएका थिए ।
संवाददाता
नेपाली कांग्रेसका सभापति गगनकुमार थापा छठ पर्व मनाउन आइतबार सर्लाही पुगेका छन्। उनी सिमरा विमानस्थल ...
प्रतिक्रिया
No approved comments yet. Be the first to comment!