युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
सम्बादाता
काठमाडौं। दिदीबहिनी र दाजुभाइबीचको प्रेम, विश्वास र आत्मीयताको प्रतीक भाइटीका आज देशभर मनाइँदैछ। तिहारको अन्तिम दिन मनाइने यस पर्वमा दिदीबहिनीले दाजुभाइको निधारमा सप्तरङ्गी टीका लगाइदिएर सुख, शान्ति, समृद्धि र दीर्घायुको कामना गर्ने परम्परा छ।
नेपाल पञ्चाङ्ग निर्णायक विकास समितिले यस वर्ष भाइटीकाको उत्तम साइत बिहान ११ बजेर ७ मिनेट निर्धारण गरेको छ। तर उक्त साइतमा टीका लगाउन नभ्याउनेहरूले दिनभर आफ्नो अनुकूल समयमा टीका लगाउन सक्नेछन्।
भाइटीकामा सात रङको टीका, मखमली तथा सयपत्री फूलको माला र ओखरको विशेष महत्त्व रहन्छ। दिदीबहिनीले दाजुभाइलाई सप्तरङ्गी टीका र फूलको माला लगाइदिएर ओखर फुटाउने परम्परा छ। दाजुभाइले पनि दिदीबहिनीलाई उपहार तथा दक्षिणा दिएर माया र सम्मान प्रकट गर्छन्।
धार्मिक मान्यताअनुसार भाइटीका यमराज र उनकी बहिनी यमुनाको प्रेम तथा आत्मीयतासँग जोडिएको पर्व हो। पौराणिक कथाअनुसार यमुनाले आफ्ना दाजु यमराजलाई टीका लगाएर सत्कार गरेको प्रसङ्गसँगै यस पर्वको धार्मिक महत्त्व जोडिएको छ। यस दिन दिदीबहिनीले दाजुभाइको दीर्घायु र रक्षाको कामना गर्ने विश्वास रहिआएको छ।
भाइटीका केवल निधारमा सात रङको टीका लगाउने परम्परा मात्र होइन, पारिवारिक सम्बन्धलाई थप प्रगाढ बनाउने अवसर पनि हो। रोजगारी, अध्ययन र विभिन्न कारणले घरपरिवारबाट टाढा रहेका दाजुभाइ तथा दिदीबहिनीका लागि यो पर्व भेटघाट र पुराना सम्झना ताजा बनाउने विशेष दिनसमेत हो।
मखमली फूलझैँ कहिल्यै नओइलाउने सम्बन्ध, सात रङझैँ जीवनभर कायम रहने खुसी र सुखदुःखमा एकअर्काको साथ रहने प्रतिबद्धताको सन्देश बोकेको भाइटीकाले पारिवारिक एकता, प्रेम र सद्भावलाई थप बलियो बनाउने विश्वास गरिन्छ।
सम्बादाता
काठमाडौं । अमेरिकाको फ्लोरिडास्थित मियामी अन्तर्राष्ट्रिय विमानस्थलमा यात्रुवाहक बोइङ र कार्गो विमान ...
प्रतिक्रिया
No approved comments yet. Be the first to comment!