युनिकोड
मिति
रूपान्तरण 
खोज पत्रकारिता
खोज पत्रकारिता
चर्चामा
संवाददाता
कहिलेकाहीँ जीवनमा गरिएको सानो सहयोग पनि कसैका लागि जीवनभर नभुल्ने सम्झना बन्न सक्छ। जापानमा यस्तै एउटा भावुक घटनाले अहिले धेरैको ध्यान खिचेको छ। झन्डै ३० वर्षअघि चिसोबाट बच्न एक छात्रालाई आफ्नो नयाँ कोट दिएका जापानी विद्यार्थीलाई ती छात्राले तीन दशकपछि खोजेर कोट नै फिर्ता गरेकी छन्।
सन् १९९० को दशकमा जापानको एक कोरियन विद्यालयकी छात्राको परम्परागत पोसाक हानबोक कसैले च्यातिदिएपछि उनी अप्ठ्यारो अवस्थामा परेकी थिइन्। त्यही बेला नोरिहिसा कोयामा नामका एक जापानी विद्यार्थीले उनलाई रोइरहेको अवस्थामा देखे। उनको पीडा महसुस गर्दै कोयामाले आफूलाई भर्खरै किनिदिएको नयाँ जाडोको कोट उनलाई दिएर सहयोग गरे।
त्यतिबेला सामान्य सहयोगका रूपमा दिइएको उक्त कोट ती छात्राका लागि जीवनभरको अमूल्य सम्झना बन्यो। उनले कोटमा लेखिएको नामका आधारमा सहयोगीको पहिचान सुरक्षित राखिन् र झन्डै ३० वर्षसम्म कोट जतन गरेर राखिन्।
पछि कोयामाको सामाजिक सेवासम्बन्धी कामबारे प्रकाशित समाचारमार्फत ती महिलाले उनलाई पुनः पहिचान गरिन् र सम्पर्क स्थापित भयो। हाल ५० वर्षका कोयामा एक गैरनाफामूलक संस्थासँग आबद्ध भएर एकल आमा तथा आर्थिक र सामाजिक रूपमा कठिनाइमा रहेका परिवारलाई सहयोग गर्दै आएका छन्।
अन्ततः तीन दशकअघि पाएको कोट उनले कोयामालाई नै फिर्ता गरिन्। एउटा चिसो मौसममा गरिएको सानो सहयोग तीन दशकपछि पुनर्मिलनको कारण बन्यो। यस घटनाले मानवता र निःस्वार्थ सहयोगको मूल्य समयसँगै कहिल्यै नहराउने सन्देश दिएको छ।
संवाददाता
काठमाडौं । रुसमा सम्पन्न पाँचौँ ओपन वर्ल्ड एस्ट्रोनोमी ओलम्पियाडमा नेपाली विद्यार्थीले एक रजत र तीन ...
प्रतिक्रिया
No approved comments yet. Be the first to comment!